Kijiji cha Wachawi Sehemu ya Pili
IMEANDIKWA NA : ALEX WAMILLAZO
Simulizi : Kijiji Cha Wachawi
Sehemu Ya Pili (2)
Ilikuwa ni vita ya maneno kati ya Mzee kinono na Mzee baluguza,chanzo akiwa ni Makongoro ambae jana yake usiku alimpiga paka jiwe pasipo kujuwa kwamba alimpga binadam.
Hivyo mala baada Mzee kinono kuondoka zake na kijana wake,Mzee baluguza alirudi ndani akiwa na mawazo chungu nzima..kwani tayali alijikuta akibeba mzogo mzito wa kumlinda mjukuu wake ambae alikuwa akiwendwa na wachawi wawili tofauti,mmoja ambae ni Mzee mwakipesile,yeye alikuwa akimuwinda Makongoro kwa niaba ya kumwingiza kwenye familia ya kichawi,wakati huo Mzee kinono yeye alikuwa akimuwinda kwa niaba ya kumwondoa kabisa duniani..yote hayo akiwa ameyataka Mzee balu baada kutoa kauli mbaya kwake.
Basi mapigo ya moyo yalimwenda mbio Mzee baluguza huku kijasho chembamba kikizidi kumtilika katika mwili wake…Akiwaza atafanya nini ili kumlinda mjukuu wake ambae anaandamwa na wachawi..Hivyo wakati akiendelea kutafakari,ghafla Bi mazoae aliamka ambapo alishtuka baada kumwona mume wake kakaa kitandani huku akiwa amejiinamia.
“Babu makongoro…kulikoni mbona asubuhi mapema umejiinamia?..”
Bi mazoea alimuuliza hivyo mume wake baada kumwona kajiinamia..Lakini Mzee baluguza hakujibu chochote..aliinama uvunguni,akatoka na jungu kubwa kukuu ambalo alitoka nalo mpaka nje..kisha akachukuwa vibuyu vyake vidogo pamoja na hirizi..wakati huo Bi mazoea nae alitoka ndani..alishangaa baada kumwona mume wake akihangaika na Uchawi asubuhi,badala ya kwenda shamba kulima.Hivyo maswali mengi alijiuliza kichwani mwake ambayo alishindwa kuyapatia majibu.
“Babu makongoro,ebu nenda shamba bwanaa hayo mengine utayafanya ukitoka shamba..”
Bi mazoea alimwambia hivyo mume wake kwa msisitizo.
“Aaaah Bi mazoea..staki uniharibie siku sawa kama namnagani vipi nenda mwenyewe kwani huwezi?..”
Kwa hasira kali..akiwa amemkazia macho Bi mzoea,mzee baluguza alijibu hivyo..Ambapo Ili mbidi Bi mzoea kukaa kimya huku akimtazama mumewe alichokuwa akikifanya..lakini mwishowe aliishia kuguna kisha akarudi ndani kumwamsha Makongoro ili anawe..anywe chai.
Punde si punde Makongoro aliamka,akilalama viungo vya mwili wake kuchoka bila kufanya kazi..ghafla alitaharuki baada kujikuta akinukia harufu pumba iliyo chemshwa..Alijiuliza wapi alipoitoa ile harafu lakini hakupata jibu..asijue kuwa asiku alipelekwa na Mzee mwakipesile kuilisha misukule chakula ambacho kilikuwa ni pumba za mahindi iliyochemshwa..
“Mmh hii harufu nimeitowa wapi sasa??…Ee mbona sielewi?.”
Alijiuliza Makongoro huku akijinusa mikono yake mala mbili mbili..Wakati huo Mzee baluguza akiwa amesha changanya dawa ya kutoonekana kwa macho ya kawaida,kwani alifanya vile ili afanye mambo yake kwa uhuru bila kuonwa na Mjukuu wake ambae ni Makongoro.
Hivyo kwisha kufanya kila kitu kilicho wezekana,hatimae Mzee baluguza alijirudisha katika hali yake ya kawida..ambapo aliweza kujumuika na Makongoro kunywa chai na magimbi.
“Shkamoo babu..”
“Malakhabaa umeamkaje mjukuu wangu”
“Daah salama tu babu..ila najiskia kucho….” kabla Makongoro hajamaliza sentensi yake,ghafla Bibi yake alidakia “Makongoro magimbi yakiisha njoo uongeza..”
“Sawa bibi” Alijibu makongoro haraka,huku akitaka kumwambia babu yake,vile anavyojiskia mwili.
“Eeh ulikuwa unataka kusema!?..”
“Nilitaka kusema kwamba najiskia kuchoka mwili mzima..harafu istoshe mikono yangu inatoa harufu ya pumba iliyo chemshwa..yaani hapo nilipo hata sielewi kwanini”
Makongoro alimwambia hivyo babu yake,lakini cha ajabu mzee baluguza alimtazama Bi mazoea jicho ngebe huku akiaahirisha kula magimbi..moja kwa moja alisogea mpaka mahali alipokuwa amekaa Bi mazoea akila magimbi.
“Nadhani umemskia mjukuu wako jinsi anavyo lalamika..sasa nakwambia wewe,ili ukawaambie Wenzako kwamba staki michezo yenu kwa mjukuu wangu…Chezeeni vijana wa hapa hapa kijijini sio huyu sawaaa”
Kwa sauti ya upole Bi mazoea aliitikia “Sawa”
Wakati huo Mzee baluguza akijiandaa kuelekea shamba..hivyo kufumba na kufumbua alipotea pale nyumbani kwake,akatokea shambani ambako aliendelea na Shughuli zake.
Naam!mchana shwari usiku shali katika kijiji kile bhonde..hatimae usiku uliingia ambapo ilipotimia saa nne usiku,iliskika mbiyu ya kichawi ..Mbiyu ambayo iliwafanya wachawi wote wa kijiji bhonde kufaham kuwa usiku wa manane kutakuwa na kikao.. kasoro mzee baluguza hatokuwemo kwa sababu alikuwa na uchawi wa kujitegemea.. Kweli saa saba usiku ilipotimia,wachawi wote walikusanyika chini ya ule mti mkubwa kuliko yote kijiji kizama..Na punde si punde Bi kileleganya ambae ndio mkuu wa wachawi alifungua kikao ambacho kilijadili mstkabali wa kumwangamiza Mzee baluguza ambae kwa namna moja ama nyingine alionekana kikwazo kwao..Hoja ambayo iliungwa mkono na wachawi wengi haswa walipokumbuka lile shambulizi la nyuki wa kufungwa..ila Bi mazoe ambae nae alikuwemo kwenye kikao hakuiafiki hiyo hoja,lakini alishindwa kuzungumza kwa sababu asilimia tisi na nane walilipendekeza hilo suala..
Na wakati hayo yakijili….Nyumbani kwa baluguza..Alitokea Mzee kinono baba wa kijana aliepigwa jiwe na Makongoro,mzee ambae alikuwa na uchawi wa kujitegemea kama ilivyokuwa kwa Mzee baluguza.
Hivyo basi mzee kinono alitua nje ya nyumba akiwa katika mavazi ya kichawi…na nakabla hajafanya jambo lolote alikunjua kiganja chake akatazama usalama wa eneo alilo simama..Alicheka baada kujikuta yuko salama,hivyo kazi ikawa imebaki moja tu ya kumwangamiza makongoro ambae alikuwa amebaki ndani peke yake..Wakati huo Mzee baluguza nae alikuwa amekwenda nyumbani kwa mzee kinono kumwangamiza kabla hajammaliza mjukuu wake..hivyo wakawa wamepishana angani..pasipo wao kujuwa.
“Lazima niondoke na kichwa chake”
Alisema Mzee kinono.
Baada Mzee kinono kusema kuwa anaondoka na kichwa na makongoro,mwishowe aliamua kumfanyia vituko kwanza kabla hajamfanya jambo baya…ambapo alichukua hirizi yake kisha akaanza kuisugua sugua huku akiongea maneno ya kirugha,punde si punde Makongoro alinyanyuka kutoka kitandani..akatoka nje.
Mzee kinono alitabasam baada kumwona Makongoro,haraka sana alimmwagia maji ya kichawi ambayo yalimfanya Makongoro kurudi katika hali ya kujitambua…wakati huo tayali amesha pelekwa kando kando ya mto maragagalasi,,ambapo huko alikutana na yule kijana wa Mzee kinono..kijana ambae alipigwa jiwe na Makongoro.
“Mwanangu huyu hapa mshenzi aliekupiga jiwe jana usiku,kwahiyo mfanyie jambo lolote unalo litaka..alafu mimi nimmalize kabisa”
Kijana yule wa mzee kinono alicheka baada baba yake kumwambia hivyo,hima alichukua bakora kisha akamcharaza..
Wakati Makongoro alipokuwa akipigwa fimbo,upande mwingine alionekana Mzee baluguza akihaha kumtafuta Mzee kinono ili amuue..lakini juhudi zake ziligonga mwamba,na hapo ndipo alipokumbuka kuwa Mzee kinono aliahidi kumfanyia kitu kibaya Mjukuu wake…kwahiyo baada Mzee balu kulikumbuka hilo suala,haraka sana alikaa kwenye ungo wake kisha akarudi nyumbani kwake ambapo moja kwa moja alipitiliza Chumbani kwa mjukuu wake…ghafla alishtuka baada kumkosa mjukuu,hivyo alijuwa dhahili shahili Mzee kinono atakuwa amekuja kumchukuwa…Naam!bila kupoteza muda,mzee balu aliingia uvunguni mwa kitanda chake,akatoka na jungu lake kukuu lilokuwa likitunza vikolokolo vya kichawi..kisha akatoa filimbi yake ambayo alitoka nayo nje ya nyumba..hivyo akaipuliza kwa sauti kali,sauti ambayo iliwaita nyuki wake pamoja na bundi..ambapo Mzee kinono alimtuma yule bundi akamtafute Makongoro alipo ili aje atoe taarifa.
Kweli baada yule bundi kuondoka,ndani ya nusu saa alirudi moja kwa moja alitua kwenye bega la Mzee balu..hivyo nae mzee balu alimchukua kisha akamtazama kwenye mboni..Alishtuka baada kumwona Mjukuu wake akichapwa bakora na kijana wa Mzee kinono.
Haraka sana Mzee baluguza alipanda kwenye ungo wake huku jopo la nyuki likimfuata nyuma..punde si punde alitua pale pale kando ya mto maragarasi,ambako ndiko alipokuwa Makongoro akichezea kichapo kutoka kwa kijana wa Mzee kinono alihali Mzee kinono nae akiwa pembeni aktazama.
Lakini wakati yule kijana alipokuwa akiendelea kumchapa Makongoro,ghafla alistisha baada kuskia kuumwa na nyuki…Alitazama juu huku akiskia sauti ya kundi la nyuki likija mahali walipokua na baba yake wakimwadhibu Makongoro..na hapo ndipo walipoamua kutimua mbio wakimwacha makongoro,wakati huo mzee kinono akiamini kuwa kitendo cha makongoro kushambuliwa na nyuki ni adhabu tosha,kumbe asijue kuwa wale nyuki ni wa babu yake Makongoro ambae ni Mzee baluguza.
Baada Mzee kinono na kijana wake kutimka,mzee balu alifanya mambo yake ya kichawi ambayo yalimfanya Makongoro kutojitambua.Kisha akarudi nae nyumbani kwak…wakati huo Bi mazoea nae alirejea kutoka kweny mkutano wa kichawi,ambao ulikuwa ukijadili jinsi ya kumwangammiza mzee baluguza ambae alionekana kuwa kikwazo kwao.
Asubuhi ilipopambazuka,wa pili kuamka alikuwa ni Makongoro ambapo alishangaa kujikuta mwili umevimba bila kusjia maumivu..Lakini yote kwa yote alisubili babu yake bibi yake aamke ili amuulize tatizo nini,wakati huo akitafuta kibiriti ili akoke moto kwa sababu asubuhi ile palikuwa na baridi kali.
Hivyo mala baada moto kukolea vizuri..ghafla Makongoro aliitwa na bibi yake chumbani.
“Umeamkajekipenzi changu”..Bibi yake makongoro alimsalimia Makongoro huku akijifunga vizuri kitenge chake kifuani.
Hivyo makongoro nae alishusha pumzi kidogo huku akijiuliza atumie nafasi ile kumwambia bibi yake mambo yanamkuta kila siku au la!..lakini mwisho makongoro aliamua kunyamanza kimya,zaidi alimjibu bibi tu salam bibi yake.
“Nimeamka salama bibi..daah ila leo kuna bonge la baridi”
“Mmh kumbe ilikua hujui kama bhonde kuna baridi?..sasa nadhani umelijua hilo..”
“Kabisa bibi mimi siku zote nilikuwa sijui..”
“Sawa lakini si umkoka moto??..”
“ndio “
“Haya nenda kaote”
Makongoro alitoka ndani akimwacha bibi yake kitandani…wakati huo kule nje alipita Mzee mwakipesile akiwa na swala aliemnasa kwnye mtego wake..Hivyo baada mzee mwakipesile kumwona Makongoro,alimuuliza “Rafiki babu yako yupo?
Makongoro akiachia tabasam pana alijibu”Hayupo”
“Anhaaa haya twende nyumbani kwangu sasa tukale nyama ya swala”
Alisema hivyo Mwakipesile huku akipiga hatua za kuondoka…ambapo Makongoro aliweza kumfuata.
Kwa hakika Mzee mwakipesile alifrahi sana baada kuona makongoro kakubali kwenda nyumbani kwake,hivyo alijuwa tayali anaenda kukamilisha kazi aliyopewa na mkuu wake wa kichawi ambae alimkabidhi kazi ya kumvuta Makongoro kwenye familia ya kichawi.
Upande mwingine taarifa za kumuua Mzee baluguza zilienea kila club cha pombe pale kijijini ..kwani waliamua kutumia njia hiyo kwa sababu waliona hawataweza kumuua mzee balu kwa nguvu za Kichawi…bali pombe pekee kwa maana Mzee baluguza alipenda sana pombe .
Kweli ilipotimia saa nane ya Mchana…Mzee baluguza alirudi kutoka shamba,hivyo kwa kuwa alikuwa na kiu ya pombe aliamua kupita kwenye banda la pombe kabla ya kufika nyumbani kwake…Ambapo baada mpimaji wa pombe kumwona mzee balu,,alikumbuka taarifa zilizo sambaa za kumuua huyo mzee..hivyo kabla ya kumpimia alizunguka nyuma ya banda akafungua fundo la uchawi aliokuwa nao kwenye khanga,kisha akarudi kwenye kitengo chake..wakati huo Mzee balu alikuwa nje akiweka oda ya nyama ya mbuzi ya kuchomwa ili achachue mdomo…Kitendo ambacho kilimfanya yule mama mpimaji wa pombe kuweza kutia uchawi kwenye pombe ya mzee balu bila wasiwasi wowote.
“Mmmh…aaaa….naaam leo nimekubali pombe yako iko vizuri….!!..karibu nyama au huli nyama ya mbuzi?..”
“Apana we kula tu mi nikila natokwa na vipele mwili mzima” Alijibu mama muuza pombe..ambapo mmzee baluguza aliachia cheko kubwa kisha akasema
“Tatizo lenu uchawi mwingi hiki kijiji…ona sasa wanakuroga hadi kula nyuma ya mbuzi??..Daah”
Aliongea hivyo Mzee baluguza wakati huo akiendelea kunywa pombe yake….Na baada kumaliza alilipa kisha akaondoka zake nyumbani huku mkono akiwa na nyama choma kidogo aliyobakisha,,akimpelekea mjukuu wake ambae nae alikuwa kwa Mzee mwakipesile akila nyama.
Lakini wakati mzee balu alipokuwa njiani akirudi nyumbani kwake ,ghafla alihisi tumbo kumuuma..ambapo alishindwa hata kutembea,na punde si punde alianguka chini huku mapovu yakimtoka mdomoni na mkono wake wa kushoto ukionekana kukamitia hirizi kwanguvu.
Basi baada kuikamatia hirizi yake vizuri mkononi..mwishowe Mzee baluguza aliiachia baada maumivu ya tumbo kuzidi…hivyo akawa ameshika tumbo lake kwa mikono yake,wakati huo nguvu polepole zikizidi kumwishia.
Hakika Mzee baluguza alipasa sauti ya kuhisi maumivu…ila mwisho aliamua kukaa kimya kisha akajikaza kiume,ambapo alinyoosha mkono wake kuifuata hirizi yake aliyokuwa ameiachia…Baada kuikamata kamata,hatimae aliitemea mate mala tatu huku akiongea kirugha…Ghafla alitokea bundi wake wa kichawi ambae alikuwa amemfuga..Ambapo mzee baluguza alimshika kisha akamtazama kwenye mboni…Cha ajabu ulitokea mwanga mkali kwenye macho ya Mzee baluguza.Mwanga ambao ulienda kugonga kwenye macho ya yule bundi..Hivyo punde si punde yule bundi akawa amepotea akimwacha Mzee baluguza akiendelea kuvuja jasho jembemba la maumivu ya sumu aliyowekewa kwenye pombe pasipo yeye kujuwa.
Kweli baada ya nusu saa yule bundi alitua mbele ya Mzee baluguza huku akiwa na mkoba mdogo.Mkoba ambao ndani yake ulikuwa na dawa za miti shamba pamoja na hirizi mbalimbali..Hivyo Mzee baluguza alitabasam kwa mbali baada kumwona bundi wake kafanya kama alivyomwelekeza,na hapo sasa kazi ikawa imebaki moja tu ambayo ni yeye mwenyewe kuyaokoa maisha yake…
Lakini kabla Mzee baluguza hajafanya jambo lolote la kuweza kuyaokoa maisha yake kwa kutumia dawa zake..ghafla alitokea Mzee kinono..Mzee ambae alikuwa akimuwinda Makongoro mjukuu wa mzee baluguza ili amuue..wakati huo Mzee baluguza nae alikuwa akimuwinda kinono ili amuue kabla hajamuua mjukuu wake..Hivyo kile kitendo cha Mzee kinono kumkuta Baluguza hoi bitaabani..ilikuwa ni neema kwake kwani aliachia cheko kubwa kisha akasema.
“Mzee baluguza wewe mkubwa kiumri ila kiuchawi wewe bado mtoto sana…tazama sasa unakufa hivi hivi unajiona”
Aliongea maneno hayo Mzee kinono ambae alionekana kuvamilia mavazi ya kichawi..huku akimzunguka Mzee baluguza alielala chini akiwa hajiwezi.
Basi baada Mzee kinono kusema maneno hayo alichuchumaa chini kisha akauchukuwa ule mkoba ulioletwa na Bundi wa Mzee baluguza…akatwa mikononi mwake kisha akaongeza kwa kusema.
“Baluguza usijifu unambio bila kumwangalia anae kukimbiza…hivyo labda niseme neno juu yako..sihitaji lingi kutoka kwako huna viwango vya kupambana na mimi ambae nina uwezo wa kusafiri kila sehem hapa duniani…sio wewe mwisho wako sumbawanga ukienda mbali Congo halafu unajiaifu…”
Aliongeza kwa kujingamba hivyo Mzee kinono juu ya baluguza ambae tayali alionekana kukubali kifo…Na baada kusema hayo hatimae Mzee kinono alikunjua kiganja chake,ambacho kilitoa taswila jinsi Makongoro alivyokuwa akila nyama na Mzee mwakipesile…Hivyo alimwonyesha Mzee baluguza,,kisha kinono akasema “nilipanga nimmalize mjukuu wako..ila nabadilisha maamuzi ngoja nianze na wewe kwanza kisha nidili na mjukuu wako..”
Alisema hivyo Mzee kinono..wakati huo Mzee bulu akihusi kupata nguvu baada kumwona Mjukuu wake yupo kwa mwakipesile ambae nae alikuwa ni Mchawi.
Basi upande wa pili nako kule klabuni..yule mama aliemfanyia unyama Mzee baluguza kwa kumuwekea uchawi kwenye pombe ili amuue..hatimae aliweza kuwatangazia baadhi ya walevi waliokuwepo pale klabuni..
“Jamani nitoboe ni sitoboe..?
Alisema hivyo kwa furaha yule mama muuza pombe ambae alifahamika kwa jina la Mama chiku.
“Duuuh naona leo umeuza sana mpaka unaonekana kuwa na furaha kiasi hicho??? ..” Mmoja ya walevi alidakika kwa kusema hivyo..Lakini Mama chiku aliendelea …
“Mimi nauliza nitoboe nisitoboe..”
“Mmh huwenda leo kuna pombe ya bure hapa maana wewe mwenyewe si unamwona jinsi alivyokuwa na furaha..”
“Eeh kweli…ngoja tumwitikie..”
Zilikuwa ni sauti za walevi zilizokuwa zikiskika kwa kunon’gona…Na hatimae mmoja kati ya wale waliokuwa wakinong’ona alinyanyuka kisha akapasa sauti akisema..
“Jamani tusiwe na viburi…Hatuwezi juwa huwenda mama chiku leo anatoa zawadi ya pombe kwa hiyo tumwitikie jamaniii”
Hakika kicheko kikubwa na vikohozi vya kubanja…Vilisikika kutoka kwa walevi waliokuwepo pale klabuni…Na hapo ndipo sauti ya pamoja ilipo fuata ikisema “Toboaaaaaaa”
“Aaanhaaa habari njema ni kwa..aambaa yule Mzee anaejifanya anaujuwa sana Uchawi kuliko wengine,leo nimemnasa..”
Baada kusema hivyo yule mama muuza pombe..Ghafla walevi wote walipigwa na butwaa huku wakihoji “Nani huyo?..”Embu tuambie basi”
“Si huyu Mzee mwenye kijukuu kilichoka mjini”
Alijibu hivyo Mama muuza pombe.
“Anhaa kumbe huyu Mzee baluguza!..”
“Eenhee huyo huyo…kwa uchawi huu wa jumlajumla niliomuwekea,sijui kama kwake kafika”
Hakika yule mama chiku alionge kwa kujiamini…kwa maana alitimiza agizo la mkuu wa wachawi..agizo alilotoa la kumwondoa Mzee baluguza duniani kwa sababu alikuwa ni kikwazo kwao.
Hivyo upande mwingine nao alionekana Mzee mwakipesile akiwa na Makongoro,huku wakila nyama choma ya swala..wakati huo story mbali mbali zikiendelea.
“Mmh nyama hii tam sio Mchezo..”
Aliongea Makongoro huku akiwa ameshikilia nyama kubwa isoyokuwa na mfupa.
“Ee ukiskia swala ndio huyu bwana…hivi huko mjini kuna swala kweli??..” Mzee mwakipesile nae aliongeza kwa kusema hivyo..Kitendo ambacho kilimfanya Makongoro kucheka kwanza kabla ya kumjibu Mwakipesile.
“Daaah.. babu unachekesha sana..we umeshasema Mjini,sasa mjini mapori ya kuishi swala yanatoka wapi??..”
“Duh kwahiyo huko mjini hakuna hata pori la kuwinda sungura au kanga”
“Babuuu kule hakuna vitu kama hivyo…yani kule unapishana na magari tu..”
“Kha yani sehem kama hiyo me siwezi kuishi..kwa sababu sitoweza kuka siku mbili bila ku…”..Kabla Mzee mwakipesile hajamalizia Sentensi yake,ghafla Makongoro alidakia kwa kusema. “Babu geuza kwanza hiyo nyama inaungua”
“Aah kiukweli rafiki uko vizuri” Alijibu Mzee mwakipesile..na hivyo wote wakawa wamecheka.
“Enhe malizia sentensi yako sasa maana nilikukatisha..Sijui ulitaka kuongea nini”
“Anhaa sawa subiri niende chooni kwanza kujisaidia”
Mzee mwakipesile alimjibu hivyo Makongoro,kisha akaelekea nyuma ya nyumba yake ambako huko alinyoosha Mkono wake juu huku akiongea maneno ya kirugha..Ghafla kwenye ule mkono wake aliounyoosha ilitokea hirizi kubwa kiasi ambayo nayo aliifumua..kisha ukatoka unga mweusi ambao ndio uchawi.
Hivyo baada kuuchukuwa ule uchawi..Uchawi ambao ulikuwa mahususi kwa niaba ya kumvuta mtu kwenye familia ya kichawi..Hatimae Mzee mwakipesile alirudi ndani kwa niaba ya kumaliza agizo alilopewa na mkuu wa kichawi.
Hivyo aliingia ndani..akapitiliza mpaka jikoni ambako alimwacha Makongoro akila nyama,lakini cha ajabu Mzee mwakipesile hakumkuta..Ila hakukata tamaa,haraka sana alitoka ndani kisha akazipiga hatua kufuata njia ambayo ilikuwa ikifika nyumbani kwa Mzee baluguza..ambako ndiko Makongoro alikokuwa akiishi.lakini yote kwa yote hakufanikiwa kumwona..kiukweli Mzee mwakipesile alilaani kile kitendo cha Makongoro kumtoroka,kwani aliamini kua tayali anakwenda kuhitimisha kile kitu ambacho mkuu wake wa kichawi alicho mtuma.
Upande mwingine nako,katika mapori alionekana Makongoro akatimua mbio…Mbio ambazo alikimbia bila kugeuka nyuma..Kumbe wakati mzee mwakipesile alipo muaka Makongoro kwamba anakwenda chooni kujisaidia…Huku ndani alikobaki Makongoro akiendelea kula nyama ya swala,ghafla ulipita msukule kando yake..Kitendo ambacho kilimfanya Makongoro kutimua mbio kwa kupita njia za porini kuhofia kufatwa na ule Msukule.
Hivyo mala baada kufika nyumbani,alimkuta bibi yake akimenya viazi kwa niaba ya Chakula cha usiku…Bi mazoea alishtuka baada kumwona mjukuu wake kaja hima..na hivyo akawa amemuuliza kinacho msibu,lakini cha ajabu Makongoro alitabasam..tabasam la woga kisha akasema..”Mmh hamna bibi nilikuwa nafanya mazoezi tu..siunajuwa sisi watoto tulio zaliwa na kukulia mjini??…yaani tunapenda mwili mda wote uwe umechangamka…”
Alisema hivyo Makongoro,huku akitingisha mabega yake mfano wa mtu anajiweka sawa kwa niaba ya kupigana…Lakini licha ya Makongoro kumjibu namna hiyo bibi yake,ila Bi mazoea bado alionyesha waswadi usoni mwake..Na hapo ndipo alipomuuliza mjukuu wake..”Kwani tangu Asubuhi ulikuwa wapi..maana kutwa nzima hujashinda nyumbani”
Makongoro aliinamisha uso wake chini huku akijifikilia jibu la kumdanganya Bibi yake…Na baada kulipa aliinua uso wake kisha akajibu”Nilishinda kulee kuangalia mpira..”
“Mmmh mpira??..Mpira gani ambao unachezwa kuanzia asubuhi mpaka jioni hii??…Makongoro mjukuu wangu bwana kua makini na hiki kijiji..Shauli yako”
Bi mazoea alimjibu hivyo mjukuu wake,akionekana kutolidhishwa na majibu ya Makongoro..na ndio maana akawa amempa tahadhari kuhusu kile kijiji…Tahadhari ambayo ilimjengea sintofaham kijana Makongoro..na hivyo akawa anajiuliza”Kwani hiki kijiji kikoje??…eeh na yule mtu wa kutisha nilie mwona ndani ya nyumba ya Mzee mwakipesile ni nani??..je,kwanini Babu aliamua kunikataza kuzoeana na yule Mzee mwakipesile,,Mzee ambae anaonekana ni mwema kwangu??…Dah ama kweli ukistaajabu ya musa utayaona ya filauni..Ila najuwa ipo siku ukweli utafahamika”
Alimaliza kwa kujipa imani Makongoro,huku akiingia ndani kuchochea kuni jikoni..wakati huo kwenye mafiga kuna junguu kuu lililo sheheni viazi vitam.
Naam!.Hatimae usiku uliingia…hadi saa tatu inatimia Mzee baluguza alikuwa bado hajarejea nyumbani kwake…Kitendo ambacho kiliweza kumshtua Makongoro kwani alikuwa hajazoea ile hali ya babu yake kuchelewa kurudi nyumbani..Na hivyo makongoro akawa amemuuliza bibi yake mahali alipo babu yake..Lakini cha ajabu Bi mazoea alimjibu shortcut kwa kusema..”Kwani nipo nae..??..”
Alijibu hivyo Bi mazoea,akimjibu mjukuu wake …Ambapo Makongoro aliweza kushangazwa na lile jibu alilopewa na Bibi yake..Na ghafla alisusa kula akidai kwamba hatoweza kula bila kumwona babu yake.
Wakati huo Makongoro alipokuwa akisema hayo,tayali alikuwa amenyanyuka pole pole alianza kuzipiga hatua kutoka ndani huku akisema..”Lazima nikamtafute babu yangu haiwezekani hadi muda huu awe hajarudi nyumbani…”
Alisema hivyo Makongoro kwa sauti ya kuashilia kulia..Na punde si punde aliondoka zake..akimwacha bibi yake akimwita,lakini Makongoro hakuitika bali alizidi kuondoka.
Basi Makongoro alizipiga hatua zake,kuelekea klabuni akidhani kuwa huwenda babu yake alizidiwa na pombe..Akashindwa kurudi nyumbani…ila kabla hajafika pale klabuni,aliaskia sauti za za walevi na Nyimbo mbali mbali wakiimbi,,wakati huo sauti ya Mzee baluguza ikisika juu zaidi kuliko wengine..Na hivyo Makongoro alizidi kukazana kuelekea kule klabuni ambako ndiko kulikokuwa zikitokea zile sauti za walevi ambazo ndani yake ilisikika na sauti ya Babu yake ambae ni mzee baluguza.
Ila mala baada Makongoro kusogea kabisa jirani na kile klabu,ghafla zile sauti alizokuwa akiziskia zilipotea..Na punde si punde walitokea kundi la fisi…Fisi ambao walipiga hatua kumfuata Makongoro..Hivyo Makongoro nae baada kuona anafuatwa na kundi la Fisi,haraka sana alivua ndala kisha akatimua mbio kurudi nyumbani..wakati huo akipasa sauti ya kuomba msaada..
Basi wakati Makongoro alipokuwa akikimbia,mala ghafla alisimamishwa na mtu njiani..na hivyo makongoro akawa amesimama akijuwa kuwa huwenda yule mtu akamsaidia ..kumbe mtu aliemsimamisha hakuwa mwingine ni Mzee mwakipesile.
Na upende mwingine…Mbiyu ya kichawi ilila kijiji cha bhonde..kuashilia kuwa kuna kikao cha dhalula..na hivyo iliwalazim wachawi wote wiliokuwa na ratiba zao za kufanya mambo yao yakichawi ,kuzivunja na moja kwa moja walihudhulia kikao kile cha dhalula…Ambapo mala baada wachawi wote kukasanyika kwenye kile kikao..Walistaajabu baada kumwona Mkuu wao kuonekana kuwa na wasiwasi..hivyo walitulia kusubili kipi atakacho ongea..
Kweli mwishowe yule mkuu wa wachawi Bi kileleganya alishusha pumzi kwanza akasema ..”Jamani samahani sana tena sana kwa kuharibu ratiba zenu…ila licha ya kuharibu nadhani hii itakuwa faida kwenu..”mkuu yule alikohoa kwanza,wakati huo wachawi waliokusanyika kwenye kikao wakionekana kuwa na shahuku ya kutaka kujuwa kipi kilichotokea…Hivyo mala baada mkuu kumaliza kukohoa hatimae alihitimisha kwa kusema..”leo nilipata taarifa kwamba Baluguza kafa..jamani ondoeni hiyo imani..Mzee baluguza kaonekana leo jioni Sokoni akinunua uchawi kwa yule Mzee wa kimanyema kutoka Congo..Na tayali katangaza ubaya kwa mtu alietaka kumuua..Kwahiyo habari ipo hivo,nafunga kikao maana nina safari ya kwenda Gambosh usiku huu”
Alimaliza kwa kusema hivyo yule mkuu wa wachawi,kisha akapotea.
Basi hofu kubwa..nyuso za huzuni na wasiwasi zilitanda kwa wale wachawi waliohudhulia kikao kile cha zalula..wakati huo Mkuu wa kichawi alikuwa akijiandaa kupotea maeneo yale ili akajiunge na wachawi wenzake ambao waliahidiana kukutana sumbawanga kwa niaba ya kuelekea gambosh nchini Nigeria….Lakini kabla mkuu yule wa kichawi ambae ni Bi kileleganya hajapotea anga zile za kikao,ghafla alisikika Mama chiku akimwita mkuu wake,,ikumbukwe kuwa mama chiku ndio alietaka kumuua Mzee baluguza baada kumuwekea sumu kwenye pombe.
“Mkuuu samahani kidogo” Alisema hivyo Mama chiku huku akionekana kujawa na wasiwasi…wakati huo akizipiga hatua mbele kumfuata mkuu wake ili amwambie jambo alilokuwa nalo.
“Jamani kwani kunatatizooo?…au kunajambo lingine mtaka kulisema??..”
“Hapana mkuu hakuna tatizo,ila nina jambo dogo tu naomba unasikilize” Alijibu Mama chiku.
“Anhaa sawa sungumza nikaskia..”
Bi kileleganya Mkuu wa kichawi alimpa nafasi ya kuzunguza Mama chiku..ambapo nae baada kupewa nafasi,alianza kwa kusema..”Samahani mkuu..nadhani unafaham kuwa mimi ndio muhusika wa kutaka kumuua Mzee baluguza..kwahiyo nilikuwa naomba uweze kun..” Mama chiku aliongea hivyo huku akitetemeka..Na kabla hajamalizia sentensi yake,mala ghafla hirizi ya Bi kileleganya aliyokuwa ameivaa mkononi kama saa ilionekana kuhema kuashilia kuwa anangojewa yeye pekee katika safari ya kuelekea gambosh..kitendo ambacho kilimfanya apotee akimwacha Mama chiku akiangua kilio kwani alikuwa hajamaliza kile alichotaka kuongea.
Upande mwingine nako,alionekana Makongoro akihaha kuitafutanjia ya kurudi nyumbani kwao…huku nyuma yake wakionekana fisi wengi wakimfuata..Wakati huo Mzee mwakipesile ambae alimtokea Mwanzo alikuwa tayali kapotea..alielekea kwenye kikao ambacho kilikuwa kimeitishwa na mkuu wake.
Hvyo basi wakati kijana Makongoro alipokuwa akiendelea kuhangaika bila mafanikio ya kufika nyumbani…Ghafla aliaoneka Mzee baluguza akiwa na ungo wake,,ambapo moja kwa moja alitua nyuma ya mjukuu wake ambae alikuwa kachoka baada kukimbia mbio ndefu..Na mala baada kutua aliunyoshea kidole ungo..punde si punde ukawa umepotea..kwisha kuupoteza ungo wake,,,Mzee balu alizipiga hatua zake kumfuata mjuu wake.. Hatua ambazo alikuwa akipiga moja nyingine anapotea,anaibukia mbele…hivyo hivyo mpaka akamkalibia mjukuu wake..Ambapo aliunyoosha mkono wake wa kulia juu na punde si punde kwenye ule mkono alio unyoosha kilitokea kibuyu kidogo ambacho kilikuwa na nembo za ajabu..Alicheka Mzee balu baada kukiona kile kibuyu,,wakati huo akiushusha chini ule mkono ambao ulikuwa umeshikilia kibuyu….
Na baada kuhitimisha cheko lake,hatimae Mzee baluguza alimimina unga frani kwenye kiganja uliotoka ndani ya kile kibuyu kisha akaupuliza ule unga ambapo moja kwa moja ulimkuta Makongoro..Na hivyo ghafla akawa hajielewi,,kitendo ambacho kilimfanya Mzee baluguza kumbeba na kisha kuondoka nae huku akiusifu uchawi ule alioutumia kwa makongoro kwani hakuta kujionyesha kwa mjukuu wake yeye ni Mchawi.
Basi baada Mzee baluguza kutoweka na mjukuu wake…upande mwingine wale fisi waliokuwa wakimfukuzia Makongoro ghafla waligeuka kuwa watoto ambapo waliangua kicheko kikubwa huku wakigongeana mikono na kisha kucheza michezo mbali mbali ya kitoto…kumbe hakuwa fisi bali ni watoto ambao wazazi wao wanajihusishs na masuala ya kichawi.
Kwingine nako,,mzee baluguza alitua salama huku akiwa sambamba na Mjukuu wake ambae tayali alikuwa hajui kinachoendelea…na kabla hajamwingiza ndani,alirudia kuunyoosha mkono wake tena juu..ghafla uliotea mkoba chakavu ambao ndani yake kulikuwa na hirizi pamoja na zana mbalimbali za kichawi…Alirudia kutabasam Mzee baluguza huku akijisemea “Walinibpu sasa mimi nawapigia…sina utani..Ngoja nikamlaze mjukuu wangu kisha nianze msako..”
Alisema maneno hayo kijasili kabisa Mzee buguza huku akimkumbatia mjukuu wake,,na punde si punde alitokea chumbani kwa Makongoro…hivyo akawa amemlaza kitandani kwake kisha akamluka mala tatu ili kumzindua..
Baada kufanya hivyo Mzee baluguza aliingia chumbani kwake..moja kwa moja akazama uvunguni mwa kitanda alichokua akilalia,,Akatoka na jungu lake kukuu ambalo lilikuwa mahususi kwa kutunza mazagazaga ya kichawi…Wakati huo huo ulivuma upepo mkali kisha kwenye kona ya chumba alitokea Bi mazoea mke wa Mzee baluguza,,,ambapo mala baada kumwona mume wake yupo bize alishtuka kwani alijua tayali anaenda kulipa kisasi kwa mtu aliemuwekea Sum kwenye pombe kwa nia ya kutaka kumuua.
“Za saa hizi Babu Makongoro…” Bi mzoea aliamsalimia mume wake,lakini Mzee balu alinyamanza kimya bila kuijibu salam aliyopewa na Mke wake..kitendo ambacho kilifanya kimya kidogo kutawala ndani ya robo saa…Na mala baada Mzee balu kukamilisha kile alichokuwa akikifanya,aliinua uso wake kumtazam mke wake ambae nae alikua kitandani kalala..kisha Mzee balu akasema..” naondoka na ntakacho rudi nacho naomba ukawatangazie wachawi wenzako…pumbaffu mwanamke gani mwenye roho mbaya kama simba yani upo tayar mumeo nife ili mfrahishe nafsi zenu.. nakuchukia sana Bi mazoea laiti kama ungelikuwa binti mdogo basi ungerudi kwenu..”
Mzee baluguza alisema maneno hayo kwa hisia kali huku akijichora chora usoni kwake kwa niaba kwenda kulipa kisasi…Wakati huo Bi mzoea nae akiwa kimya kitandani akijifanya kasinzia huku moyoni akijisemea “Mahali yenyewe hadi leo hujanitolea kazi kuropoka…kufaa tu”
Aliongea ndani ya nafsi yake Bi mazoea..maneno ambayo laiti kama Mzee baluguza angeyaskia basi kinuka.
Basi Mzee baluguza alipotea mle ndani mwake…akajikuta yuko nje.Ambapo moja kwa moja alifanya ishara ya kuita ungo ambao ndio chombo kikuu cha kusafiria wachawi..punde si punde ungo ulitokea hivyo haraka sana Mzee balu aliweka katika ule ungo kila dhana ya kichawi…Akiwa katika vazi la kitambaa cheusi ambacho nacho alikivaa kiunoni,,hatimae mzee balu alipaa angani akiwa na ungo wake kuelekea kwa Mama chiku..mama muuza pombe ambae alitaka kumuua Baluguza kwa kumuwekea sumu kwenye pombe.
Lakini wakati Mzee baluguza alipokuwa angani akielekea kwa Mama chiku,,mala ghafla alidondoshewa bundi kwenye ungo wake,bundi ambae nae alirusharusha mbawa zake mda mfupi tu akawa amefariki…Mzee balu alishtuka baada kumwona yule bundi..alipomtazama vizuri aligundua kuwa ni yule bundi wake ambae alikuwa akimtuma kunasa taarifa mbalimbali..Hivyo roho ilimuuma sana Mzee balu kwa kumpoteza mtoa taarifa wake,wakati huo nyuma yake alionekana Mchaw mmoja akiwa na tochi mbili akimfuata kwa kasi baluguza.
Safari ya Mzee baluguza angani ilianza kuwa ya mashaka,baada kufiwa na bundi wake ambae alikuwa akimsaidia kunasa taarifa mbalimbali..wakati huo nyuma yake ikionekana touch mbili zikimfuata nyuma.
Hivyo baada Mzee baluguza kugundua kuwa anafuatwa nyuma,,haraka sana alifungua mkoba wake mdogo aliokuwa nao..kisha ndani ya ule mkoba alichukua hirizi yake kubwa kisasi,,ambayo nayo alijifunga mkononi huku akiongea maneno ya kirugha kitendo ambacho kilimfanya Mzee baluguza kugeuka popo…ambapo aliweza kuzikimbia zile touch mbili zilizokuwa zikimfuata nyuma.
Hatimae Mzee baluguza alifika nyumbani kwa mama chiku..mama ambae alithubutu kutaka kumuua…na hivyo ujio wake Mzee baluguza ni kutaka kulipa kisasi na sio kitu kingine.
“Lazima nifyeke kichwa chake mwanamke huyu mshenzi” Alisema Mzee baluguza huku akijiandaa jinsi ya kuingia ndani ya nyumba ya mama chiku.
Na mala baada kuwa tayali Mzee baluguza alipiga hatua kuelekea kwenye nyumba ya mama chiku..ambapo baada kuifikia aliegemea ukata,haraka akajikuta yupo chumbani kwa mama chiku…akaweza kumwona mbaya wake akiwa amelala usingizi mzigo…na hiyo ndio ikawa nafasi ya Mzee baluguza kumfanyia unyama wa kutisha mama chiku kwa kumkata shingo yake huku dam akiikinga kwenye kibuyu chake ambacho nacho kilijaa…hivyo dam ya mama chiku ikawa bado inaendelea kusambaa akitandani… wakati huo mwili wake ukiendelea kurusha baadhi ya viungo vya mwili.
Baada kufanya kitendo hicho Mzee baluguza alicheka kidogo..kisha akanywa kidogo ile dam aliyokinga kutoka kwenye mwili wa mama chiku…ambapo baada kuimeza alitikisa kichwa kuashilia kuikubali kuwa dam ile ya mama chiku nitamu sana.
“mhm unadam tam sana wewe mwanamke..lakini tatizo lako moja tu,ulitaka kushindana na mwamba usiwezekanika…na ili nionekane kuwa mimi ni Shujaa!!ngoja niondoke na kichwa chako” Yalikuwa ni maneno ya kijasili ambayo Mzee baluguza alikuwa akiyaongea,,wakati huo akitumia kisu chake kuikata shingo ya mama chiku ilikutenganisha kichwa na kiwiliwili…hivyo ndani ya muda wa dakika mbili tayali Mzee baluguza alikuwa amefanikisha zoezi hilo…ambapo moja kwa moja alipotea mle chumbani kwa mama chiku..ghafla akaonekana nje huku mkononi mwake akiwa na kichwa cha mama chiku…ambapo alizipiga hatua mbili na kisha kupotea maeneo Yale ya nyumbani kwa mama chiku.
ITAENDELEA
Isikupite Hii: Dalili za Kuonyesha Mwanamke Anataka Umpeleke Chumbani
Kijiji cha Wachawi Sehemu ya Tatu
Also, read other stories from SIMULIZI;